سبعة سنين عجاف / بلال السمارات

نيسان ـ خمسة عشر عام ضياع ..
فشّلت أحلامي واحلام الجياع ..
بعز السنين اللي بها تبني غدك ..
تاتيك من أقصى طريق الشرق..
فرصة انحراف .. ومو هنا صار الخلاف ..
ومو هنا حلم العزيز اللي تحقق ..
سبعة سنين عجاف ..
ومو هنا أصل الخلاف ..
المشكلة يوم المسافة تطووول ..
والخطوة تخاف ..
ما ودّها من الحور .. عطر ..
ولا رعت لليل .. فجر ..
ولا صحت ..
نفثة امن ابليس تكفي ..
تمرر القبح بمراحل إنعطاف ..
تعمي عيونك ولا ودّك تشوف ..
غير انّك شهريار الليل ..
يزعجه الصّياح ..
وشهرزاد .. ابليس .. في حلّة عرووس ..
آآآآه يا زين العروس ..
يوم تاتي عند تبديل الضروس ..
مثل ما ودّك تجيك بأروع الوان اللبوس ..
كاملة من دون عيب ..
طاغية فوق الخيال ..
وفوق رغبات النفوس ..
علّمت تلميذها ..
كل الدروس ..
وما علّمت تلميذها ..
إنها اذا شاحت بوجه الليل ..
واهدته الصباح ..
تذوب مع أول شروق ..
وينكشف وجه العجوز ..
وانها تصلح لــ ليل ..
وبس ..
ما تصلح عروس ...